The Importance of Daily Vitamin Supplement during COVID-19
ကျွန်ုပ်တို့ နေ့စဉ်စားသောက်နေတဲ့ အစားအသောက်တွေက ခန္ဓာကိုယ်အတွက် လိုအပ်တဲ့ ဗီတာမင်နဲ့ သတ္တုဓာတ်များပေးစွမ်းနိုင်သော်လည်း နည်းစနစ်ကျကျလိုအပ်တဲ့ အာဟာရတိုင်းကိုတော့ နေ့စဉ်ပုံမှန် မစားဖြစ်ကြပါဘူး။
အလှအပနဲ့ အသုံးအဆောင်ပစ္စည်းများကို အလေးထားလာကြတဲ့ ၂၁ ရာစု နေ့စဉ်ဘဝမှာ
မိမိခန္ဓာကိုယ်နဲ့ နေ့စဉ်ဘဝအတွက် အမှန်တကယ်လိုအပ်တဲ့ အစာအာဟာရဆိုင်ရာကျန်းမာရေးရှုထောင့်တစ်ခုကို COVID-19 က မီးမောင်းထိုးပြသခဲ့သလို ..
ကျွန်ုပ်တို့ ကြီးပြင်းလာတဲ့ ပတ်ဝန်းကျင်နဲ့ သင်ယူခဲ့ရတဲ့ ချို့ငဲ့တဲ့ အသိပညာပေးစနစ်ကြောင့် အစာအာဟာရဆိုင်ရာ ကျန်းမာရေးအချက်အလက်တချို့ကို မေ့လျော့နေခဲ့ကြပါတယ်။
ဒါ့ကြောင့် မိမိခန္ဓာကိုယ်အတွက်နေ့စဉ်လိုအပ်မယ့် ဗီတာမင်နဲ့ သတ္တုဓာတ် အာဟာရမျိုးစုံကို အချိုးကျကျစားသောက်စေရန်ရည်ရွယ်ပြီး တင်ဆက်ပေးလိုက်ရပါတယ်။
ဖြည့်စွက်စာများကို မိမိကျန်းမာရေးအခြေအနေပေါ်မူတည်ပြီး လိုအပ်ပါ ဆရာဝန်နှင့် ဆွေးနွေးပြီးမှသာ သောက်သုံးသင့်ပါသည်။
ဗီတာမင် စီ (Vitamin C)
Ascobic Acid လို့ခေါ်တဲ့ ဗီတာမင်စီက အားလုံးသိထားပြီးသားဖြစ်တဲ့ ကိုယ်ခံအားစနစ်ကောင်းမွန်ရုံတစ်ခုတည်းသာမက ခန္ဓာကိုယ်ကိုယ်တစ်ရှုးများ အသစ်ပြန်လည်တည်ဆောက်ရာတွင် အသုံးဝင်တဲ့အပြင် ကော်လာဂျင်ထုတ်ပေးတဲ့စနစ်ကိုပါ လှုံ့ဆော်ပေးတာဖြစ်လို့ အရေပြားကျန်းမာရေးအတွက်ပါ နာမည်ကြီးပါတယ်။ သူ့မှာပါဝင်တဲ့ ဓာတ်တိုးဆန့်ကျင်မှု (Antioxidant) ဟာဆိုရင် ကင်ဆာနဲ့ နှလုံးရောဂါဖြစ်ခြင်းကိုလျှော့ချပေးပြီး မျက်စိ၊ နှလုံးလုပ်ဆောင်မှုကိုပါ ပံ့ပိုးပေးပါတယ်။ ဟားဗတ်တက္ကသိုလ်ရဲ့ လေ့လာတွေ့ရှိချက်အရ Vitamin-C ကို သံဓာတ် (Iron) နဲ့နဲ့ တွဲဖက်စားသောက်ခြင်းက အာနိသင်စုပ်ယူမှုအားကောင်းတာဖြစ်လို့ ဖွံ့ဖြိုးမှုကို အထောက်အပံ့ပေးပြီး ကိုယ်တွင်းသို့ အောက်စီဂျင်ပို့ဆောင်ရာတွင် ကူညီပေးတာဖြစ်လို့ ကိုဗစ်ကာလမှာနေ့စဉ်စားသုံးသင့်ပါတယ်။
နေ့စဉ်သုံးစွဲသင့်သည့်ပမာဏ – 200-500 mg
ရရှိနိုင်မည့် အစားအစာများ – လိမ္မော်၊ ရှောက်၊ သံပုရာမျိုးနွယ်ဝင်များ၊ မာလကာ၊ ခရမ်းချဉ်၊ စတော်ဘယ်ရီ၊ ပန်းငရုတ်ပွ၊ သင်္ဘော၊ အာလူးနှင့် အစိမ်းရောင်အသီးအနှံများ။
ဗီတာမင် အေ (Vitamin A)
မျက်စိကျန်းမာရေးအတွက် အဓိကကူညီပေးတဲ့ ဗီတာမင်အေကတော့ တခြားသော ဗီတာမင်များနည်းတူ ကိုယ်ခံစွမ်းအားကိုကောင်းမွန်စေတဲ့အပြင် မျိုးပွားမှုစနစ်ကိုပါထောက်ပံ့ပေးပါတယ်။ အရိုး၊ နှလုံး၊ အဆုတ်၊ ကျောက်ကပ်နဲ့ တခြားသော အင်္ဂါအစိတ်အပိုင်းများအတွက်ပါ အထူးကောင်းမွန်ပါတယ်။ ဒါ့အပြင် ဝက်ခြံပြဿနာအတွက်ပါ သင့်တော်ဖြစ်လို့ အရေပြားကျန်းမာရေးအတွက်ပါ အသုံးပြုကြပါတယ်။
နေ့စဉ်သုံးစွဲသင့်သည့်ပမာဏ – 3,000 mcg
ရရှိနိုင်မည့် အစားအစာများ – အဝါနဲ့ လိမ္မော်အသီးအနှံများ၊ ခရမ်းချဉ်၊ အသား၊ ငါး၊ နို့နှင့် နို့ထွက်ပစ္စည်းများ။
ရေများများသောက်ပါ
ဗီတာမင်ဒီ (Vitamin D)
ဗီတာမင်ဒီဟာ အရိုးနဲ့ သွားကျန်းမာရေးကို အဓိကပံ့ပိုးပေးပြီး ကယ်လိဆီယမ်၊ ဖော့စရတ်လို့ခေါ်တဲ့ မီးစုန်းဓာတ်နဲ့ သွေးတွင်းသကြားဓာတ်တို့ကို ထိန်းညှိပေးပေးလို့ ဆီးချို၊ သွေးချိုရောဂါအတွက် သင့်တော်ပါတယ်။ ကင်ဆာရောဂါဖြစ်ခြင်းမှ ကာကွယ်နိုင်ပြီး အဆုတ်၊ ဦးနှောက်နဲ့ အာရုံကြောကျန်းမာရေးအတွက် ထောက်ပံ့ပေးပါတယ်။ ဗီတာမင်ဒီကို သဘာဝလျောက်နေရောင်ခြည်မှလည်း ရရှိနိုင်တာဖြစ်လို့ အရေပြားကျန်းမာရေးအပြင် ကိုယ်ခံအားစနစ်ကိုပါ အထူးကောင်းမွန်စေလို့ ပုံမှန်စားသောက်သင့်ပါတယ်။
နေ့စဉ်သုံးစွဲသင့်သည့်ပမာဏ – 100 mcg (4,000 IU)
ရရှိနိုင်မည့် အစားအစာများ – ငါးကြီးဆီ၊ နို့နှင့် နို့ထွက်ပစ္စည်း၊ ကြက်ဥအနှစ်၊ တူနာ၊ ဆာဒင်း၊ ဆဲလ်မွန်၊ အမဲအသည်း။
ဗီတာမင် ဘီ (Vitamin B Complex)
ဗီတာမင်ဘီ (၈) မျိုးဖြင့်ဖွဲ့စည်းထားတဲ့ B-Complex Vitamins ဟာ ကျန်းမာတဲ့လူမှုဘဝအတွက် အဓိကသော့ချက်အဖြစ်ပါဝင်နေပါတယ်။ ဆဲလ်လုပ်ဆောင်မှုနှင့် ဇီဝဖြစ်စဉ်အတွက် အကျိုးရှိတာကြောင့် ကိုယ်ဝန်ဆောင်နှင့် နို့တိုက်မိခင်၊ သတ်သတ်လွတ်သမားများ၊ သက်ကြီးပိုင်းများနှင့် ကင်ဆာလ်၊ HIVနဲ့ အရက်စွဲနေသူများကုသရာတွင် အထူးအရေးပါတဲ့ ဖြည့်စွက်စာတစ်မျိုးပါ။ ဦးနှောက်နှင့် အာရုံကြောစနစ်ကိုကူညီပေးပြီး စိတ်ဖိစီးမှုလျော့ကျကာ စိတ်ကြည်လင်စေတဲ့အတွက် နေ့စဉ်လုပ်ငန်းခွင်ဝင်နေရသူများအတွက်သင့်တော်ပါတယ်။
နေ့စဉ်သုံးစွဲသင့်သည့်ပမာဏ
B1 (Thiamine): 1.2 mg / B2 (Riboflavin): 1.3 mg
B3 (Niacin): 16 mg NE / B5 (Pantothenic Acid): 5 mg
B6 (Pyridoxine): 1.3 mg / B7 (Biotin): 30 mcg
B9 (Folate or Folic Acid): 400 mcg DFE / B12 (Cobalamin): 2.4 mcg
ရရှိနိုင်မည့် အစားအစာများ – နို့နှင့် နို့ထွက်ပစ္စည်း၊ ကြက်ဥ၊ အသည်း၊ ကျောက်ကပ်၊ ငါးနှင့် ပင်လယ်စာ၊ ဂျုံ၊ ပဲအမျိုးမျိုးနှင့် အစိမ်းရောင်ရှိအသီးအနှံများ။
အိပ်ရေးဝဝအိပ်ပါ
ဗီတာမင်အီး (Vitamin E)
ဗီတာမင်အီးမှာပါဝင်တဲ့ ဓာတ်တိုးဆန့်ကျင်မှုက အရေပြား၊ ဆံသား၊ လက်သည်း၊ အိုမင်းရင့်ရော်မှုတို့ကို အထူးအကျိုးပြုသောကြောင့် အလှအပရေးရာကဏ္ဍအတွက် အဓိကမပါမဖြစ်ပါ။ ဟော်မုန်းကိုထိန်းညှိပေးပြီး အမျိုးသမီးမျိုးပွားကျန်းမာရေးအတွက် ထောက်ပံ့ပေးတာကြောင့် အမျိုးသမီးများနေ့သုံးစွဲသင့်တဲ့ ဖြည့်စွက်စာတစ်မျိုးပါ။ ဒါ့အပြင် ကင်ဆာရော၊ နှလုံးရောဂါ၊ အလ်ဇိုင်းမားရောဂါဖြစ်နှုန်းမှ လျော့ကျစေပြီး ကိုယ်ခံအားစနစ်ကိုပါ ကောင်းကျိုးများစွာဖြည့်ဆည်းပေးပါတယ်။
နေ့စဉ်သုံးစွဲသင့်သည့်ပမာဏ1,000 mg (1,500 IU)
ရရှိနိုင်မည့် အစားအစာများ – အစေ့အဆံအမျိုးမျိုး၊ ဟင်းသီးဟင်းရွက်ဆီ၊ ပန်းငရုတ်ပွ၊ ထောပတ်သီး၊ ရွှေဖရုံသီး။
ဗီတာမင်ကေ နှင့် ကယ်လ်ဆီယမ် (Vitamin K + Calcium)
ကျန်းမာရေးဆိုင်ရာပညာရှင်တွေက ဗီတာမင်ကေနဲ့ ကယ်လ်ဆီယမ်ကို တွဲဖက်စားသုံးသင့်ကြောင်း အကြံပြုထားပါတယ်။ ကယ်ဆီယမ်မှာပါတဲ့ အာနိသင်က အရိုးကျန်းမာရေးကို အဓိကပံ့ပေးတာဖြစ်ပြီး ဗီတာမင်ကေကတော့ Matrix GLA ကဲ့သို့သော ပရိုတင်းဓာတ်များကို ထုတ်လွှတ်ပေးပြီး သွေးလွှတ်ကြော၊ တစ်ရှုးကြွက်သားအနုနဲ့ အဆက်အမြစ်တွေမှာ အနည်ထိုင်နေတဲ့ နှလုံးရောဂါဖြစ်စေမှုကို တွန်းအားပေးတဲ့ ကယ်လ်ဆီယမ်ဓာတ်တွေကို ဖယ်ရှားကာ တကယ်ထိရောက်တဲ့ နေရာသို့ပို့ဆောင်ပေးနိုင်တာကြောင့် ထိုနှစ်မျိုးကို ဟန်ချက်ညီအောင် တွဲဖက်ရန်သင့်ကြောင်းပြောကြားထားတာဖြစ်ပါတယ်။
နေ့စဉ်သုံးစွဲသင့်သည့်ပမာဏ – 122-138 mcg (Vitamin K)
2,000 mg (Calcium)
ရရှိနိုင်မည့် အစားအစာများ နို့နှင့် နို့ထွက်ပစ္စည်း၊ အသား၊ ကြက်ဥနှင့် အစိမ်းရောင်အသီးအနှံများ။
လေ့ကျင့်ခန်းပြုလုပ်ပါ
ဇင့် (Zinc)
ဇီဝဖြစ်စဉ်နဲ့ ကိုယ်ခံအားစနစ်ကိုအထူးကောင်းမွန်စေတဲ့ ဇင့်ဓာတ်ဟာ အနာကျက်မြန်ခြင်း၊ ရောင်ရမ်းခြင်း၊ ကြွက်သားတစ်ရှုးတို့အတွက်သုံးစွဲကြပါတယ်။ အနံ့၊ အရသာ အာရုံခံစနစ်များကိုလည်းကျန်းမာစေပါတယ်။ ကြီးထွားမှုဆဲလ်ကို ပံ့ပိုးပေးတာကြောင့် ဆယ်ကျော်သက်လူငယ်များအတွက် အထူးသင့်တော်တဲ့ ဖြည့်စွက်စာတစ်မျိုးဖြစ်ပါတယ်။
နေ့စဉ်သုံးစွဲသင့်သည့်ပမာဏ 40 mg
ရရှိနိုင်မည့် အစားအစာများ – ကမာကောင်နှင့် ပင်လယ်စာအမျိုးမျိုး၊ အစေ့အဆံ၊ ပဲ၊ ဂျုံ၊ အသီးအနှံ၊ နို့နှင့် နို့ထွက်ပစ္စည်း။
သံဓာတ် (Iron)
သံဓာတ်က သွေးနီဥဆဲလ်များ ခန္ဓာကိုယ်တွင်းသို့ အောက်စီဂျင်ပို့ဆောင်ရာတွင် အဓိကဆောင်ရွက်ပေးပြီး ကြီးထွားမှု၊ ဆဲလ်အသစ်တည်ဆောက်မှုနဲ့ ဟော်မုန်းထိန်းညှိရာတွင် ကူညီဆောင်ရွက်ပေးပါတယ်။ ခန္ဓာကိုယ်အကူချိန်ကို ထိန်းညှိပေးပြီး ကိုယ်ခံအားစနစ်တည်ဆောက်ရာတွင် မပါမဖြစ်မို့ ကိုဗစ်ကာလမှာ အမျိုးသား၊ အမျိုးသမီးများအတွက်စားသုံးရန် အသင့်ဆုံးဓာတ်တစ်မျိုးဖြစ်ပါတယ်။
နေ့စဉ်သုံးစွဲသင့်သည့်ပမာဏ – 45 mg
ရရှိနိုင်မည့် အစားအစာများ – ဟင်းနုနွယ်၊ အသည်းနှင့် ကလီစာများ၊ အစေ့အဆံအမျိုးမျိုး၊ ဂျုံ၊ အစိမ်းရောင်ရှိအသီးအနှံများ။
ဖြည့်စွက်စာများစားသုံးပါ
ပိုတက်ဆီယမ် (Potassium)
ပိုတက်ဆီယမ်ကတော့ ဆဲလ်တွေရဲ့ ပုံမှန်လုပ်ဆောင်မှုကို ထောက်ပံ့ပေးပြီး နှလုံးနဲ့ နှလုံးကြွက်သားကျန်းမာရေးကအတွက် ကောင်းမွန်ပါတယ်။ ပရိုတင်း၊ ကာဗိုဟိုက်ထရိတ်ထုတ်လုပ်မှုကိုလည်း ကူညီပေးပြီး ခန္ဓာကိုယ်အတွက်လိုအပ်တဲ့ စွမ်းအင်နဲ့ ကိုယ်ခံစွမ်းအားကိုလည်းမြှင့်တင်ပေးတဲ့ ဓာတ်တစ်မျိုးဖြစ်ပါတယ်။
နေ့စဉ်သုံးစွဲသင့်သည့်ပမာဏ – 2,600 – 3,400 mg
ရရှိနိုင်မည့် အစားအစာများ – ငှက်ပျောသီး၊ အာလူး၊ ပဲ၊ အစိမ်းရောင်ရှိအသီးအနှံများ။
ပရိုဘိုင်အိုတစ် (Probiotics)
ပရိုဘိုင်အိုတစ်ဟာ အစာအိမ်အတွက်ကောင်းမွန်တဲ့ ဘက်တီးရီးယားများကို ပေါက်ဖွားစေပြီး အစာချေစနစ်ကို ကျန်းမာစေကာ ကိုဗစ်ကာလအတွင်း ဝမ်းပျက်ဝမ်းလျှောဖြစ်ခြင်းကိုလည်း သက်သာစေပါတယ်။ ရင်ကြပ်ပန်းနာ၊ စိတ်ဖိစီးမှု၊ သွေးတွင်းရှိအဆီပိုများ ကုသရာတွင်လည်း အကျိုးပြုပြီး ကလေးငယ်များအတွက်လိုအပ်တဲ့ ဓာတ်တစ်မျိုးဖြစ်ပါတယ်။
နေ့စဉ်သုံးစွဲသင့်သည့်ပမာဏ – 1-100 billions CFUs
ရရှိနိုင်မည့် အစားအစာများ – ဒိန်ချဥ်ကဲ့သို့သော အချဉ်ဖောက်ထားသောအစားအစာများ။
ကိုဗစ်နှင့် တခြားသော ကပ်ဆိုးများမှကင်းလွတ်ပြီး ကျန်းမာလှပသောနေ့ရက်များ အမြန်ဆုံးပိုင်ဆိုင်နိုင်ကြပါစေလို့ Shop App MM မှ ဆုမွန်ကောင်းတောင်းလိုက်ပါတယ်။
