အဆိုတော် နီနီခင်ဇော်ကတော့ သူ့ကိုယ်ပိုင် အမှတ်တံဆိပ်တစ်ခုဖြစ်တဲ့ Super Red နှုတ်ခမ်းနီကို ပထမဦးဆုံး စတင်မိတ်ဆက်လိုက်ပါပြီ… 0 319

အေးချမ်းတဲ့ ဆောင်းဦးကာလလေးနဲ့အတူ အဆိုတေ်ာ နီနီခင်ဇော်က Super Red နှုတ်ခမ်းနီတွေကို အောက်တိုဘာလဆန်းပိုင်းမှာ စတင်မိတ်ဆက်လိုက်ပါတယ်။ Super Red နှုတ်ခမ်းနီတွေကို Kissable Matte Lip Liquid လို့တောင် နာမည်ပေးထားတာကြောင့် နှုတ်ခမ်းပေါ်မှာဘယ်လောက်ထိ ကြာကြာစွဲမလဲ Matte ဖြစ်မလဲဆိုတာတော့ အထူးပြောစရာမလိုဘူး ထင်ပါတယ်နော်…Long-lasting ဖြစ်တဲ့အပြင် ဗူးကိုဖွင့်လိုက်တာနဲ့ ထွက်လာတဲ့အနံ့သင်းသင်းလေးက သင့်စိတ်အာရုံကို ဖမ်းစားနိုင်မှာ ဖြစ်ပါတယ်။

Super Red နှုတ်ခမ်းနီတွေကို လက်တလော ခေတ်စားနေတဲ့အရောင်တွေဖြစ်တဲ့ DIVA, FLAWLESS, CLASSY, ROMANCE ဆိုပြီး အရောင်လေးမျိုးထုတ်လုပ်ထားပါတယ်။

CLASSY ကတော့ Dark Chocolate အရောင်ဖြစ်ပါတယ်…အညိုရင့်ရောင်လေးပါ။ Super Red series ထဲမှာ အကြိုက်ဆုံးအရောင်ကို ပြောပါဆိုရင်တော့ ဘယ်လိုအဝတ်အစားနဲ့ဖြစ်ဖြစ် လိုက်ဖက်တဲ့ CLASSY ကို ပြရမှာပါပဲ…

FLAWLESS ကတော့ တစ်နှစ်ပတ်လုံး အရမ်းကိုခေတ်စားနေတဲ့ Nude color ဖြစ်ပါတယ်။ အသားရောင်ဘက်သွားတဲ့ နှုတ်ခမ်းနီဖြစ်တာကြောင့် သဘာဝဆန်ပြီး ဘယ်လိုမိတ်ကပ် အဝတ်အစားမျိုးနဲ့မဆို လိုက်ဖက်ညီပါတယ်။ နှုတ်ခမ်းသားကို သဘာဝကျကျလေးလှပသွားစေမှာဖြစ်ပြီး ပိုမိုထင်ရှားတဲ့အသွင်လိုချင်ရင်တော့ နှစ်ထပ်ဆိုးပေးနိုင်ပါတယ်။

နောက်တစ်ခုကတော့ Super Red ဆိုတဲ့ Brand နာမည်နဲ့လိုက်အောင်ထုတ်လုပ်ထားတဲ့ DIVA အနီရောင်လေးပါ။ တခြားအနီတွေနဲ့မတူဘဲ အရောင်စိုစိုလေးဖြစ်နေတာကြောင့် ညစာစားပွဲ၊ ပါတီပွဲတွေလိုအခါမျိုးမှာဆိုးဖို့ အသင့်တော်ဆုံးပါ။

နောက်ဆုံးတစ်ရောင်ဖြစ်တဲ့ ROMANCE ကတော့ အသားဖြူတဲ့သူတွေ၊ ပန်းရောင်ခြယ်မိတ်ကပ် ကြိုက်သူတွေနဲ့ အရမ်းလိုက်တဲ့အရောင်လေးပါ။ သာမန်မိတ်ကပ်ပြင်ပုံမျိုးထက် ပိုပြီးမိန်းကလေးဆန်ဆန် ပန်းနုရောင်သန်းတဲ့ မိတ်ကပ်ပုံမျိုးပြင်ချင်ရင်တော့ ROMANCE က အသင့်တော်ဆုံးဖြစ်ပါတယ်။

Super Red နှုတ်ခမ်းနီတွေက အရည်အမျိုးအစားဖြစ်တဲ့အတွက် ဆွဲလိုက်တဲ့အခါ နှုတ်ခမ်းပေါ်မှာ တွန့်သွားတာမျိုး၊ ပုံနေတာမျိုးမဖြစ်စေဘဲ ချောမွေ့သွားစေပြီး နှုတ်ခမ်းသားကို စိုစိုဖူးဖူးလေးနဲ့ လှစေပါတယ်။ အရောင်အကြာကြီးစွဲတဲ့အပြင် Moisturizing ingredient တွေပါတာကြောင့် အရောင်ထွက်အားကောင်းပြီး နှုတ်ခမ်းသားအတွက် လိုအပ်တဲ့ အစိုဓာတ်ထိန်းပေးနိုင်ပါတယ်။ နှုတ်ခမ်းနီချစ်သူတွေအတွက်တော့ မရှိမဖြစ်လေးနော်…

 

Previous ArticleNext Article

Leave a Reply

Your email address will not be published. Required fields are marked *